八個月啦~~

珩珩~~~我同你一齊咁快就8個月了~~

希望以後同你開開心心咁生活.....

豬.錫曬你~~~~~~

警POLICE察...???

警察....人見人憎.......我諗好多市民都會咁諗...又或者d人成日講 : 我屌你老母呀死差佬...違法既人一定唔會like俾人warning俾人告俾人拉...但作為警察既我地~唔介意市民咁諗同咁講....因為我地要執法,維持香港社會既安寧及秩序.......我地做野既時候,都唔奢求有咩稱讚,但想要既係市民同上級既小小支持,真係小小,但係.........都冇......~~我地係咪真係差得咁緊要,重慘過一隻街邊既老鼠???
人人都以為警權大過人權......但作為警察同市民既我地自知.....那有??
傳媒輿論,記者以偏蓋全,用"放大鏡"誇大報導;立法會既議員,經常講咩警權過大;市民睇上述既報導睇得多，對我地重會有咩感覺???
「人權」、「知情權」、「高透明度」令我地幾乎去厠所都要同人解釋，講野大聲d又話投訴你冇禮貌，搞到行步路做件事都提心吊膽,市民有投訴，怕事既上大人見到就算伙記o岩,都唔撐伙記，信市民份口供多過伙記份口供,未查之前已斷定伙記"你一定係錯!錯!錯!",搞到同事們內外都受壓!!!
幫人？香港市民根本唔需要你幫，你亦唔係幫緊佢，佢係交稅既，我地只係奴才，係服侍佢(但我想問下,我地警察都有交稅,同市民交既無異,邊個黎服侍我地??) ~~
基層警務人員如何堅定不移地堅守自己既崗位，大家有既毅力同忍耐力,未必有人睇到,但深信一定有人感受到~每一次真心幫市民最後換來一句"死差佬,阻頭阻勢" 或者個個都當你係衰人既時候,熱誠就會慢慢...慢慢咁減退~~~

奉勸各位有意加入個所謂既"大家庭",唔好俾佢人工吸引左你,從各方面三思,三思,再三思!!!

23-10-2008

呢一日.....結束左我18歲既年度,正式踏入19歲了.......
上年呢個時間~~~~我已經由一個未成年既小花靚,成為一個學警.......
話咁快就一年......回望返呢一年......的的確確發生好多野~好似發夢咁~有d野更加係我一生中既重點...........
由一個17歲既靚仔,成為一個成年人既初哥...
由一個做緊惠康part-time既員工仔,成為一個學警...
由一個學警,成為一個真正既警察...(12/4/2008)
由冇車牌,到有車牌...
由一個冇女仔愛鍚既樣衰男仔,變到一個都係樣衰...但有一個又靚又好又體貼既女朋友照顧既男仔..........................

呢一日~~好多謝佢準備左好多生日禮物俾我,
又準備生日蛋糕,又俾驚喜我.....
呢個星期,辛苦你了...我知你呢個星期晚晚都好夜至訓...都係為左整生日禮物同生日蛋糕俾我~~~珩珩.....辛苦你了~~i love you~~~


你既禮物雖然簡潔,但箇中意義及心意,係非常之深厚,並且用幾多錢都買唔到......

珩珩............I LOVE YOU

===========================================================================

係學堂半年中~識到既不單只法例,武器使用,戰術~~~~最緊要係識到GG班31人(Include 李sir同蔡sir)
識到你地呢班兄弟,同埋兩位"呀爸"................
係我最大得著~~~~~~~~~~~
到此時此刻.....回憶返同你地吹水,飲野,步操,生活(27 weeks),喪玩.............等等等等........心裡不禁有點微笑,溫暖..............
passing out半年了.........雖然大家唔會有可能再好似27週咁生活,各人落唔同環頭忙唔同既野,見面會愈來愈少,關係亦可能會慢慢轉淡~但我深信,你地31人中,每個都係我依生中最好既兄弟,同埋最好既導師!!!

haha~~~~懶懶懶~成日冇打xanga~好彩有珩珩叫我打姐.......

星期五,六放假~
星期五
一放工即返屋企沖涼.......
就入左屯門,去珩珩屋企玩佢個幾隻貓貓狗狗~
cute爆~~~
but我個鼻又唔生性,鼻敏感發作........成日係咁流鼻水~............嚇親你~sorry/ . \""
同珩珩係屋企睇林海峰個talk show~~都唔錯,幾好睇^^
夜晚係珩珩屋企同埋佢媽咪食飯~~~
之後係咁影相,靚機影靚女靚狗~
之後差唔多2215時,珩珩送我去搭車.......thank you^^
星期六
一起身,已經12點幾,死............唔記得認承左珩珩早起身添~~
之後重要遲到添..............好彩之後珩珩知咩事姐~~~~
之後同佢去行尖咀海旁.......好開心...
haha.......迫左珩珩同我去食KFC添,but你食食下個胃有d唔舒服~有d唔安樂添.......
好彩冇咩野~~then同珩珩去左冒險樂園~好耐冇入過了(細個時都冇咩人倍我入)
keke........敗左珩珩d金幣添,但都好彩幫佢攞返d票返黎~haha.......
玩完後,haha.......騙左佢由尖咀行落旺角食龜芩膏.......信我吧珩珩~^^
食完之後......就送珩珩去搭車~~好唔捨得.......